Падарунак для бібліятэкі БДПУ – зборнік вершаў Максіма Танка “У дарозе” з яго аўтографам

У лістападзе 2022 года выкладчык факультэта прыродазнаўства Перавознікава Ганна Барысаўна перадала ў дар бібліятэцы БДПУ зборнік вершаў Максіма Танка “У дарозе” (1954 г.) з яго аўтографам.

На тытульным аркушы размешчаны дароўны надпіс Максіма Танка студэнтцы фізіка-матэматычнага факультэта Паламарчук Але Сідараўне: “На добры ўспамін… 6 / ІІІ - 60”. Кнігу можна пабачыць ў Зале рэдкай кнігі (вучэб. корп. № 3, аўд. 316) на выставе “Прайсці праз вернасць…”, прысвечанай жыццю і творчасці Максіма Танка.